लाखो भाविकांचे श्रद्धास्थान असलेल्या सौंदत्ती येथील यल्लमा डोंगराला गोव्याचे मुख्यमंत्री डॉ.प्रमोद सावंत यांनी भेट देऊन यल्लमा देवीचे दर्शन घेतले,
यल्लमा देवीचे दर्शन घेण्यासाठी आलेल्या डॉ.प्रमोद सावंत यांचे मंदिराच्या प्रशासकीय अधिकाऱ्यांनी स्वागत केले.नंतर देवीच्या उत्सव मूर्तीची सवाद्य मिरवणूक काढण्यात आली.उत्सव मूर्तीच्या मिरवणुकीत डॉ.प्रमोद सावंत सहभागी झाले होते.मंदिर परिसरात डॉ प्रमोद सावंत यांना बघण्यासाठी आणि त्यांच्या समवेत फोटो काढण्यासाठी स्थानिकांनी गर्दी केली होती.डॉ.प्रमोद सावंत यांनी देवीचे दर्शन घेऊन आरती करून प्रसाद स्वीकारला. मंदिरा तर्फे शाल,श्री फळ देऊन प्रमोद सावंत यांचा सत्कार करण्यात आला.
