
सरकारी आदर्श मराठी शाळा हलशी येथे शुक्रवार दिनांक 10 मार्च 2023 रोजी वार्षिक स्नेहसंमेलन व विद्यार्थ्यांचा सांस्कृतिक कार्यक्रम सोहळा पार पडला कार्यक्रमाच्या अध्यक्षस्थानी श्री नरसिंग घाडी होते,

तर प्रमुख पाहुणे म्हणून नंदगड केंद्राचे सीआरपी श्री दादा पीर बागवान, बिजगरणी केंद्राचे सीआरपी कोलकार, घोटगाळी शाळेचे मुख्याध्यापक श्री एन व्ही चौगुले, ग्रामपंचायत सदस्य श्रीमती शाहिदा मुजावर, शाळेचे माजी मुख्याध्यापक श्री एल डी पाटील उपस्थित होते, प्रमुख वक्ते नरसेवाडी शाळेचे मुख्याध्यापक श्री जी एन पाटील हे होते,

कार्यक्रमाची सुरुवात विद्यार्थिनींच्या इशस्तवन व स्वागत गीताने झाली कार्यक्रमाचे प्रास्ताविक व स्वागत शाळेच्या मुख्याध्यापिका श्रीमती एमडी मधाळे यांनी केले, पाहुण्यांच्या हस्ते सरस्वती फोटो पूजन व दीप प्रज्वलन करण्यात आले शिक्षिका श्रीमती एस आर पाटील यांनी अहवाल वाचन केले त्यानंतर नूतन एचडीएमसी सदस्यांचा सत्कार तसेच माजी मुख्याध्यापक श्री एल डी पाटील यांचा सेवा निवृत्ती निमित्त सत्कार करण्यात आला,

श्री एस एच चवलगी व कन्नड शिक्षिका श्रीमती डी एस मुंडोळी यांनी बक्षीस वितरणाचे सत्र सांभाळले, श्री जी एन पाटील यांनी आपल्या भाषणांमधून संस्काराचे महत्त्व सांगून मातृभाषेतून घेतलेल्या शिक्षणाचे महत्त्व विद्यार्थ्यांना सांगितली, श्री एल डी पाटील यांनी आपले मनोगत व्यक्त केले त्यानंतर विद्यार्थ्यांचे सांस्कृतिक कार्यक्रम घेण्यात आले सूत्रसंचालन श्रीमती व्ही एस माळवी यांनी केले तर आभार प्रदर्शन शिक्षक श्री एम एन जाधव यांनी केले
कार्यक्रमाला विद्यार्थी, पालक, व शिक्षक वृंद तसेच हलशी व परिसरातील प्रतीष्ठीत मान्यवर मंडळी उपस्थित होते,
