खानापूर : बेकवाड (ता. खानापूर) येथील तरुण शेतकऱ्याचा बिडी जवळील बाळेकोडल शिवारात खून झाल्याची घटना आज (दि.19-1-2023) सकाळी उघडकीस आली. यल्लाप्पा शांताराम गुरव (वय 33,) रा. बेकवाड, ता. खानापूर) असे खून झालेल्या तरूणाचे नाव आहे. या घटनेची नोंद नंदगड पोलिस ठाण्यात झाली आहे.
या प्रकरणी अधिक माहिती अशी की, गुरव कुटुंबाची बिडी जवळील बाळेकोडल शिवारात शेत जमीन आहे, त्याठिकाणी दोघे भाऊ व त्यांचे आईवडील व कुटूंब रहात होते, शेतजमिनीवरून दोघा भाऊंचा वरचेवर वाद होत असल्याने वेगवेगळे रहात होते, आज सुद्धा दोघा भावांच्यात वाद होवुन त्याचे पर्यावसान मारामारीत होवुन मोठ्या भावाने लहान भावाचा खून केल्याचे समजते, मोठा भाऊ सुध्दा गंभीर जखमी असल्याने त्याच्यावर उपचार सुरू असल्याचे समजते,
