अलीकडेच मध्यवर्ती बस स्थानकाचे नूतनीकरण करून उद्घाटन करण्यात आले होते पण बस स्थानकावर मराठीला डावल्याने उद्घाटनापूर्वीच म. ए युवा समितीने केंद्रीय अल्पसंख्यांक आयोग केंद्रीय मंत्री तसेच केंद्रीय भाषिक अल्पसंख्यांक आयोगाकडे तक्रार केली होती सदर तक्रारीची दख्खल केंद्रीय भाषिक अल्पसंख्यांक आयोगाने घेतली असून बस स्थानकावरील फलक बस फलाटवर आणि बसेस वर मराठी नाम फलक लावण्यासाठी आयोगाने कर्नाटक राज्याच्या मुख्य सचिवांना तसेच अल्पसंख्यांक कल्याण विभागाच्या सचिवांना आणि जिल्हा अधिकाऱ्यांना निर्देश दिले आहेत,
केंद्रीय भाषिक अल्पसंख्यांक आयोगाचे कमिशनर शिवकुमार यांनी कर्नाटकाच्या अधिकाऱ्यांना निर्देश देताना कायद्याचा दाखला देत ज्या भागावर 15% हून अधिक इतर भाषिक राहतात त्यांना त्यांच्या भाषेत सर्व कागदपत्रे दिशा फलक माहिती दिली पाहिजेत तसेच कर्नाटक राज्यभाषा अधिनियम 1981 आणि 2014 साली कर्नाटक उच्च न्यायालयाने दिलेल्या निकालाची त्यांना आठवण करून दिली आहे सदर युवा समितीने केलेल्या तक्रारीवर कारवाई करून अल्पसंख्यांक आयोगाकडे माहिती देण्याची सूचनाही करण्यात आली आहे
