
संपूर्ण देशाचे लक्ष लागून राहिलेल्या कर्नाटक विधानसभा निवडणुकीची घोषणा आज दिनांक 29 मार्च रोजी करण्यात आली 10 मे रोजी मतदान तर 13 मे रोजी मतमोजणी करण्यात येणार असल्याची माहिती मुख्य निवडणूक आयुक्त राजीव कुमार यांनी दिली आहे त्यानुसार दहा मे रोजी कर्नाटक मध्ये विधानसभेसाठी मतदान होणार आहे
असे असेल निवडणूक वेळापत्रक

नोटिफिकेशन 13 एप्रिल 2023
अर्जाची शेवटची तारीख 20 एप्रिल
छाननी 21 एप्रिल
अर्ज माघारी 24 एप्रिल
मतदान 10 मे
मतमोजणी 13 मे
असे वेळापत्रक देण्यात आले आहे त्यानुसार कर्नाटक विधानसभेच्या निवडणुका होणार आहेत यावेळी निवडणूक आयुक्त अनुप चंद्र पांडे आणि आयुक्त अरुण गोयल हे देखील उपस्थित होते
लग्नसराईच्या काळात,विधानसभा निवडणुकीची रणधुमाळी कर्नाटक विधानसभा निवडणुकीची तारीख जाहिर झाली आहे.ऐन लग्नसराई त्याचबरोबर सुट्यांचा काळ सुरू होत असल्याने निवडणूक प्रचार आणि हक्काचे मतदान कसे करून घ्यावे, अशी चिंता आता राजकीय पक्षांसमोर निर्माण झाली आहे.
केंद्रीय निवडणूक आयोगाने आज बुधवारी कर्नाटक विधानसभा निवडणुका जाहीर केल्या आहेत. निवडणुका जाहीर होताच विविध राजकीय पक्षांच्या नेत्यांच्या त्याचबरोबर निवडणूक लढविण्यासाठी इच्छुक असलेल्या इच्छुक उमेदवारांच्या हालचालींना प्रचंड वेग आला आहे.यंदा ऐन एप्रिल मे महिन्यात निवडणूक होत असून, अनेक कारणांमुळे हक्काचे मतदान कसे होईल, याबाबत चिंता व्यक्त केली जात आहे.सध्या उन्हाळ्याचे दिवस आहेत. निवडणूक प्रचारादरम्यान राजकारणाबरोबरच उष्णतेचा पारा ही कमालीचा चढणार आहे. कडक उन्हाच्या वेळी रहदारीचे रस्ते ओस पडतात. त्यामुळे उन्हाळ्यात कार्यकर्त्यांना प्रचारासाठी तर मतदारांना मतदानासाठी घराबाहेर आणण्यासाठी प्रवृत्त करणे हे मोठे आव्हान ठरणार आहे.
याशिवाय एप्रिल महिन्यात शाळा-महाविद्यालयाच्या परीक्षा होत असतात. परीक्षा संपल्यानंतर पालक मुलांना घेऊन बाहेर गावी निघून जातात. त्यामुळे हक्काचा मतदार बाहेर गेला तर मतदान करून घेणे देखील अडचणीचे ठरणार आहे.
सर्वाधिक चिंतेचा विषय लग्न सोहळ्यांचा आहे. पुढील एप्रिल मे महिन्यादरम्यान शुभकार्यांचे अनेक मुहूर्त आहेत. निवडणूक काळातच विवाह सोहळे, मुंज, भूमिपूजन असे शुभकार्यंचे अनेक मुहूर्त आहेत.10 मे म्हणजे मतदानाच्या दिवशीदेखील लग्नाची तिथी असल्याने अनेक नागरिक मंगल कार्यात व्यस्त असतील तसेच अन्यत्र लग्न सोहळ्यासाठी गेलेल्यांमुळे मतदानाचा टक्का घसरण्याची शक्यता व्यक्त होत आहे.
असंख्य लोकांनी यापूर्वीच लग्न सोहळे आणि शुभकार्यांच्या तारखा निश्चित केल्या आहेत. ही बाबदेखील अडचणीची ठरणार आहे. शुभकार्यात व्यस्त असलेल्यांना मतदानासाठी कसे प्रवृत्त करता येईल हा अडचणीचा भाग ठरणार आहे.
बरेच जण शाळा-महाविद्यालयांच्या परीक्षा संपल्यानंतरदेखील सुटीत परगावी जातात. त्याचादेखील मतदानाला फटका बसण्याची शक्यता असून, अशावेळी त्यांना मतदान झाल्यानंतर गावी जाण्यासाठी कसे प्रवृत्त करता येईल याविषयीदेखील उमेदवारांना आतापासूनच चाचपणी करावी लागणार आहे.सध्या लग्नसराईचे दिवस आहे.अर्थात, मतदान करणे हे काम प्राधान्याने केले पाहिजे.
