रविवारी सकाळी ऊसाची वाहतूक करणाऱ्या ट्रॅक्टरच्या ट्रेलरला भर रस्त्यात आग लागली.ट्रॅक्टर चालकाने प्रसंगावधान दाखवल्याने मोठा अनर्थ टळला.अथणी तालुक्यातील हुलगबाळी येथून उगार साखर कारखान्याला ट्रॅक्टर मधून ऊसाची वाहतूक करण्यात येत होती
.ट्रॅक्टर कार्ताळ गावाजवळ आलेला असताना ट्रेलर मधील उसाला आग लागली आणि क्षणार्धात धुराचे लोट निघू लागले.ट्रेलर मधील उसाला आग लागल्याचे ट्रॅक्टर चालकाला समजताच त्याने प्रसंगावधान दाखवून ट्रेलर ट्रॅक्टर पासून अलग केला .पेटलेला ट्रेलर रस्त्याशेजारी जाऊन उलटला.नंतर अग्निशामक दलाने ट्रेलर मधील उसाला लागलेली आग विझविली.या घटनेची कागवाड पोलीस स्थानकात नोंद झाली आहे.
