अथणी, दिनांक 19 (प्रतिनिधी) : तब्बल 21 एकर जमिनीवर उभा ऊस आगीत जळाल्याची घटना अथणी तालुक्यातील हुलगबाळी गावच्या शिवारात घडली आहे.
लक्ष्मण ठक्कन्नवर या शेतकऱ्याने हुलकबाळी रोडवरील आपल्या शिवारात 21 एकर जमिनीवर ऊस लावला होता. या उसाच्या फडाला आग लागून सारा ऊस आगीच्या भक्षस्थानी पडला. या घटनेने शेतकऱ्याला लाखो रुपयांचा फटका बसला असून शासनाने शेतकऱ्याला आर्थिक मदत करावीत अशी मागणी ग्रामस्थांतून केली गेली जात आहे.
