निपाणी : निपाणी येथील बालवीर स्पोर्ट्स क्लब आणि बोरगाव येथील अरिहंत उद्योग समूहाच्या संयुक्त विद्यमाने ‘अरिहंत चषक’ पुरुष आणि महिला हॉलीबॉल स्पर्धेचे आयोजन करण्यात आले आहे.रविवार दिनांक 22 ते मंगळवार दिनांक 24 पर्यंत येथील देवचंद महाविद्यालयाच्या मैदानावर रात्रंदिवस प्रकाशझोतात या स्पर्धा होणार आहेत.
स्पर्धेतील विजेत्या संघांना 1 लाख 25 हजार रुपयांची बक्षिसे व अरिहंत चषक देऊन सन्मानित केले जाणार आहेत. स्पर्धेत कर्नाटक, महाराष्ट्र, केरळ, आंध्र प्रदेश मधील राष्ट्रीय पातळीवरील 36 पुरुष आणि 10 महिलां संघ सहभागी होणार आहेत. या स्पर्धेतून गुवाहाटी येथे होणाऱ्या राष्ट्रीय पातळीवरील स्पर्धेसाठी संघ निवडला जाणार आहे. बोरगाव अरिहंत उद्योग समूहाचे उत्तम पाटील यांनी ही माहिती दिली आहे.
