बेळगाव -मध्यवर्ती कुस्तीगीर संघटनेतर्फे निकाली कुस्त्यांचे जंगी मैदान रविवार दि.8 जानेवारी रोजी आनंदवाडी आखाड्यात भरविण्यात येणार आहे.
कुस्ती आखाड्याचे उदघाटन रमाकांत कोंडुस्कर यांच्या हस्ते होणार आहे तर पूजनाची कुस्ती मराठा समाजाचे नेते किरण जाधव यांच्या हस्ते लावण्यात येणार आहे. छ.शिवाजी महाराज प्रतिमेचे पूजन भूषण काकतकर यांच्या हस्ते तसेच हनुमान प्रतिमेचे पूजन माजी जि. पं. सदस्य रमेश गोरल यांच्या हस्ते होणार आहे.
महिला कुस्तीचे उद्घाटन साधना पाटील यांच्या हस्ते होणार आहे.प्रथम क्रमांकाची कुस्ती नागराज बसिढोनी कर्नाटक केसरी विरुद्ध पोक्सिन्ग कुमार पंजाब नॅशनल चॅम्पियन यांच्यात होणार आहे. दुसऱ्या क्रमांकाची कुस्ती परशराम हरिहर द दावनगीरी विरुद्ध परमानंद इंगळगी नॅशनल चॅम्पियन तिसऱ्या क्रमांकाची कुस्ती सुनील धारवाड नॅशनल चॅम्पियन, ऋतुराज शेडगे कोल्हापूर चॅम्पियन, चौथ्या क्रमांकाची कुस्ती पावन चिक्कदिनकोप विरुद्ध लक्ष्मण जाधव इचलकरंजी, पाचव्या क्रमांकाची कुस्ती रोहित पाटील कंग्राळी विरुद्ध शिवानंद आंबी कोल्हापूर यांच्यात प्रमुख लढती सह पन्नासहून अधिक कुस्त्या होणार आहेत. त्याचबरोबर आकर्षक गदा साठी यशपाल राजस्थान विरुद्ध दीपक धारवाड मेंढ्यासाठी ओम घाडी येळ्ळूर आणि ओंकार बागेवाडी तसेच श्री घाडी येळ्ळूर विरुद्ध सलील यांच्यात आकर्षक लढती होणार आहे त्याचबरोबर महिलांच्या कुस्तीचे आकर्षणही या आखाड्यात होणार आहे. कल्याणी आंबोलकर विरुद्ध ममता खानापूर, पैलवान जान्हवी kinaye विरुद्ध भक्ती मोदेकोप यांच्यासह दहाहून अधिक जंगी कुस्त्या होणार आहेत असे आयोजकांनी कळविले आहे.
