कर्नाटकच्या बसवर काळे फासल्याने आणि घोषणा लिहिल्याने कर्नाटकातून महाराष्ट्रात जाणाऱ्या बस सेवा तात्पुरती स्थगित करण्यात आली होती.पण शनिवारी अकरा वाजल्या नंतर कर्नाटक बस सेवा सुरू करण्यात आली आहे.बस सेवा सुरू झाल्यामुळे नोकरी,उद्योगाच्या निमित्त महाराष्ट्र आणि कर्नाटकात दररोज ये जा करणाऱ्या प्रवाशांना दिलासा मिळाला आहे.
शुक्रवारी दौंड येथे कर्नाटकच्या बसला काळे फासल्यानंतर महाराष्ट्राच्या बसला कलबूर्गी येथे काळे फासण्यात आले होते.त्यामुळे खबरदारीचा उपाय म्हणून कर्नाटकने महाराष्ट्रात जाणाऱ्या बस तात्पुरत्या स्थगित केल्या होत्या.कल बूर्गी येथे महाराष्ट्राच्या बसला काळे फासल्यावर महाराष्ट्राने देखील कर्नाटकात जाणाऱ्या बस तात्पुरत्या थांबवल्या होत्या.आता महाराष्ट्रात पुणे,कोल्हापूर आणि अन्य गावांना जाणाऱ्या बस पुन्हा कर्नाटकने सुरू केल्या आहेत.महाराष्ट्राने मात्र अद्याप कर्नाटकात आपली बस सेवा सुरू केलेली नाही.
