Ahmednagar Latest News: कर्जत तालुक्यातील कोपर्डी येथे शेतातील बोरवेलमध्ये ऊसतोड कामगाराचा पाच वर्षांचा मुलगा पडल्याची घटना सोमवारी सायंकाळी सहा वाजता घडली आहे. सागर बुधा बरेला असं या चिमुकल्याचं नाव आहे.
अहमदनगरच्या कोपर्डीत बोअरवेलमध्ये पाच वर्षाचा चिमुरडा पडल्याची घटना घडली आहे. काकासाहेब सुद्रिक यांच्या बोअरवेलमध्ये हा मुलगा पडल्याची माहिती आहे. या बोअरवेलमध्ये तब्बल ११ फूट खाली हा चिमुरडा अडकला आहे. सध्या त्याला काढण्यासाठी शर्थीचे प्रयत्न सुरु आहेत.
याची माहिती मिळताच घटनास्थळी पोलीस आणि अग्निशामन दलाचे जवान दाखल झाल्याची माहिती आहे. येथे मोठ्या प्रमाणात जेसीबीचा ताफाही दिसत आहे. त्याला बाहेर काढण्यासाठी बचावकार्य करण्याचे काम सुरू झाले आहे.
याबाबत अधिक माहिती अशी की, कर्जत तालुक्यातील कोपर्डी येथे शेतातील बोरवेलमध्ये ऊसतोड कामगाराचा पाच वर्षांचा मुलगा पडल्याची घटना सोमवारी सायंकाळी सहा वाजता घडली आहे. सागर बुधा बरेला असं या चिमुकल्याचं नाव आहे. या मुलाला वाचवण्यासाठी युद्ध पातळीवर बचाव कार्य सुरू आहे. येथे एनडीआरएफच्या पाच पथकाकडून बचाव कार्य सुरू आहे. या परिस्थितीवर तालुका प्रशासन लक्ष ठेवून आहे. रात्री अकरा वाजेपर्यंत मुलाला वाचवण्याचे प्रयत्न सुरू होते.
कोपर्डी येथील संदीप सुद्रिक यांच्या उसाच्या शेतात ऊसतोड करणाऱ्या कामगाराचा हा पाच वर्षांचा मुलगा आहे. हे कुटुंब मूळचे मध्य प्रदेशातील आहे. बोरवेलच्या ११ फूट खोलीवरती हा मुलगा असल्याचं जाणवत असून त्याला वाचवण्यासाठी समांतर दोन जेसीबीच्या सहाय्याने खोदकाम सुरू आहे. घटनास्थळी कुळधरण प्राथमिक आरोग्य केंद्रासह उपजिल्हा रुग्णालयाची टीम, कर्जत नगरपंचायतचे अग्निशमन दल यांच्यासह महसूल प्रशासन तळ ठोकून आहेत. जेसीबीच्या सहाय्याने बोरवेलजवळ खोदून मुलाला वाचवण्याचा प्रयत्न सुरू आहेत,
