
बेळगाव : बेळगावात आज सोमवारी जिल्हास्तरीय भाजप कोर कमिटीची बैठक अचानक बोलाविण्यात आली, खाजगीत पार पडलेल्या या बेळगाव शहर ग्रामीण आणि चिकोडी अशा तीन संघटनात्मक जिल्ह्याच्या या संयुक्त कोर कमिटी बैठकीचे नेतृत्व केंद्रीय मंत्री प्रल्हाद जोशी आणि भाजपचे उपाध्यक्ष निर्मलकुमार सुराणा यांनी केले जिल्हास्तरीय भाजप कोर कमिटीच्या या बैठकीस माजी उपमुख्यमंत्री लक्ष्मण सवदी आणि माजी जलसंपदा मंत्री रमेश जारकीहोळी हे देखील उपस्थित होते या खेरीज जिल्ह्यातील अकरा मतदार संघामधील भाजपचे विद्यमान आमदार दोन खासदार आणि एक राज्यसभा सदस्य बैठकीस उपस्थित होते विधानसभा निवडणूकीसाठी जिल्ह्यातील प्रत्येक विधानसभा मतदारसंघातून तीन इच्छुकांची निवड केली जाणार असून त्यांची यादी राज्य निवड समितीकडे पाठवली जाणार आहे, बेळगाव जिल्ह्यातील 18 पैकी 15 मतदार संघ जिंकण्याचे भाजपा हाय कमांडचे लक्ष आहे आजच्या बैठकीनंतर प्रसारमाध्यमासी बोलताना केंद्रीय मंत्री प्रल्हाद जोशी म्हणाले की बेळगावचे सर्व 18 मतदार संघ भाजपने जिंकले पाहिजेत या पार्श्वभूमीवर सर्वांशी समोरासमोर बोलणी झाली आहे, काही गोंधळ झाल्यास तो दुरुस्त करण्यासाठी थेट माझ्याशी बोला असा सल्ला मी दिला आहे आम्ही येत्या 8 एप्रिल रोजी भाजपची पहिल्या टप्प्यातील उमेदवारी यादी जाहीर करणार आहोत असे सांगून त्या अनुषंगाने बेंगलोर येथे होणाऱ्या कमिटीच्या बैठकीत पुढील निर्णय घेतला जाणार असल्याची माहिती केंद्रीय मंत्री प्रल्हाद जोशी यांनी प्रसार माध्यमांना दिली,
