खानापूर ता.१७: जांबोटी (ता खानापूर) येथून धामणे(ता. बेळगाव) येथे आपल्या घरी परतणाऱ्या युवकाचा दुचाकीच्या अपघातात मृत्यू झाला आकाश अशोक पाटील वय 20 असे मृत युवकाचे नाव आहे तर संदीप काशिनाथ पाटील वय 34 हा देखील यात गंभीर जखमी झाला आहे.
आकाश पाटील व संदीप पाटील हे रविवार दि.१६ रोजी दुचाकीने( के ए २२ इ डी २१६७)जांबोटी हुन कुसमळी मार्गे धामणे या आपल्या गावी परतत होते. दरम्यान दुचाकीवरील नियंत्रण सुटल्याने झाडाला जोराची धकड दिली. यात गाडी चालवत असलेला आकाश गंभीर जखमी झाला. त्याला लागलीच बेळगाव येथील खासगी रुग्णालयात दाखल करण्यात आले. मात्र अतिरक्तस्राव झाल्याने त्याचा सोमवार दि. १७ रोजी उपचारा दरम्यान मृत्यू झाला. घटनेची नोंद खानापूर पोलीसात झाली आहे.
