पुणे : पुण्यातील नवले ब्रिजवर आज झालेल्या एका अपघताने पुणेकरांच्या हृदयाची धडधड काही क्षणासाठी थांबली असेल. एकदा भरधाव टँकर एकदोन नाही तर तब्बल 48 पेक्षा अधिक वाहनांना धडक दिल्याने भीषण अपघात झाला आहे. त्यामुळे नवले ब्रिजवरील वाहतून विस्कळीत झाली आहे. टँकरचा ब्रेक निकामी झाल्याने नवले ब्रिजवर एकामागून एक वाहनांना जोरदार धडक बसली. यात अनेकजण जखमी झाल्याचे पोलिसांनी आणि अग्निशमन दलाकडून सांगण्यात येत आहे.
पुणे शहरातील कायम व्यस्त असलेल्या नवले पुलावर झालेल्या भीषण अपघातात आत्तापर्यंत एकुण 48 वाहने समाविष्ट असल्याचे समजले असून तसेच पीएमआरडीए, अग्निशमन दल बचावकार्य करत आहे. किमान 10 जखमींवर शासकीय रुग्णवाहिका 108 मधे उपचार केल्याची प्राथमिक माहिती मिळाली आहे.
