बैलहोंगल, दिनांक 22 : ऊस वाहतूक करणारा ट्रॅक्टर कलंडला आणि कलंडलेल्या या ट्रॅक्टरने एका महिलेचा जीव घेतला. आज रविवारी बैलहोंगल पोलीस ठाणे कार्यक्षेत्रातील शिगीहळ्ळी गावानजिक ही घटना घडली आहे.
मरीकट्टी येथील कारखान्यात ऊस वाहतूक करणारा हा ट्रॅक्टर शिगीहळ्ळी गावानजिक चालकाचे नियंत्रण सुटल्याने कलंडला. कलंडलेला हा ट्रॅक्टर रस्त्याशेजारील अजप्पा बडिगेरा यांच्या घरावर पडला आणि त्याखाली घरातील वृद्ध महिला सापडली आणि तिचा जागीच मृत्यू झाला. या दुर्घटनेत घरातील आणखीन पाच जण जखमी झाले आहेत. ग्रामस्थांनी घटनास्थळी धाव घेऊन जखमींना हिरेबागेवाडी शासकीय रुग्णालयात दाखल केले.
