बेळगाव येथील महामेळाव्याला मराठी भाषिक नागरिक मोठ्या संख्येने सहभाग नोंदवतील ; खानापूर तालुका म ए समितीच्या बैठकीत निर्णय-ಬೆಳಗಾವಿ ಮಹಾಮೇಳಕ್ಕೆ ಮರಾಠಿ ಭಾಷಿಕ ನಾಗರಿಕರು ದೊಡ್ಡ ಸಂಖ್ಯೆಯಲ್ಲಿ ಹಾಜರಾಗಲಿದ್ದಾರೆ ; ಖಾನಾಪುರ ತಾಲ್ಲೂಕು ಮ. ಯ. ಸಮಿತಿಯ ಸಭೆಯಲ್ಲಿ ನಿರ್ಧಾರ

बेळगाव येथील महामेळाव्याला मराठी भाषिक नागरिक मोठ्या संख्येने सहभाग नोंदवतील ; खानापूर तालुका म ए समितीच्या बैठकीत निर्णय.

खानापूर : बेळगाववर आपल्या हक्काचा ठाम दावा नोंदवण्यासाठी कर्नाटक सरकारकडून हिवाळी अधिवेशन बेळगाव येथील सुवर्णसौध येथे आयोजित केले जाते. यावर्षीचे हिवाळी अधिवेशन देखील 8 डिसेंबरपासून बेळगाव येथे होणार आहे. अधिवेशनाला निषेध म्हणून 8 डिसेंबर रोजी मराठी भाषिकांच्या महामेळाव्याचे आयोजन करण्यात आले असून, मराठी भाषिक नागरिक मोठ्या संख्येने सहभाग नोंदवतील असा निर्धार खानापूर तालुका महाराष्ट्र एकीकरण समितीच्या बैठकीत करण्यात आला. खानापूर तालुका महाराष्ट्र एकीकरण समितीची महत्त्वपूर्ण बैठक आज शिवस्मारक येथे पार पडली. बैठकीच्या अध्यक्षस्थानी समिती अध्यक्ष गोपाळराव देसाई हे होते.

बैठकीत 4 डिसेंबर रोजी होणाऱ्या “राष्ट्रवीर” कार गुरुवर्य शामराव देसाई पुरस्कार वितरण सोहळ्यास खानापूर तालुक्यातील जनतेने मोठ्या संख्येने उपस्थित राहावे, असे आवाहन करण्यात आले. बैठकीनंतर खानापूर शहरातील मुख्य बाजारपेठेत पत्रके वाटून महामेळाव्यासंदर्भात जनजागृती करण्यात आली. त्यानंतर ज्ञानेश्वर मंदिर, खानापूर येथे झालेल्या निवृत्त शिक्षक संघटनेच्या बैठकीतही समिती पदाधिकाऱ्यांनी उपस्थित राहून महामेळाव्यासाठी आवाहन केले. तसेच 4 डिसेंबर रोजी होणाऱ्या पुरस्कार सोहळ्यास निवृत्त शिक्षकांनीही मोठ्या संख्येने उपस्थित रहावे असे आवाहन करण्यात आले.

या बैठकीस समितीचे कार्याध्यक्ष मुरलीधर पाटील, सरचिटणीस आबासाहेब दळवी, ज्येष्ठ नेते विलास बेळगावकर, खजिनदार संजय पाटील, तसेच प्रकाश चव्हाण, राजाराम देसाई, अमृत शेलार, बी. बी. पाटील, विठ्ठल निंगप्पा गुरव, प्रभाकर बिरजे, विनायक चव्हाण, जयराम देसाई, शंकर सडेकर, म्हात्रू धबाले, वसंत नावलकर, मरू पाटील, ए. एम. पाटील, डी. एम. भोसले, वाय. बी. पाटील, जे. बी. पाटील, एस. बी. पाटील, एम. जी. पाटील, सी. एल. सुतार, व्ही. एल. पाटील, विठ्ठल हट्टीकर, एम. जी. घाडी, एस. व्ही. जाधव, एम. ए. खांबले, एन. जे. गुरव, बी. एन. पाटील, एन. एम. पाटील, ए. आर. मुतगेकर, एस. एच. गुरव, जी. पी. गावडा, ए. एन. गणाचारी, जी. बी. देसाई, एन. व्ही. पाटील, एस. एम. पाटील, एल. डी. पाटील, एन. एन. पावले, नाना घाडी, आर. के. घारशी, एन. जी. गुरव, जी. डी. देसाई, व्ही. यू. देसाई, एन. के. पाटील, जी. एल. हेब्बाळकर, एन. जी. पाटील, एम. के. काकतकर आदी मान्यवर उपस्थित होते.

ಬೆಳಗಾವಿ ಮಹಾಮೇಳಕ್ಕೆ ಮರಾಠಿ ಭಾಷಿಕ ನಾಗರಿಕರು ದೊಡ್ಡ ಸಂಖ್ಯೆಯಲ್ಲಿ ಹಾಜರಾಗಲಿದ್ದಾರೆ ; ಖಾನಾಪುರ ತಾಲ್ಲೂಕು ಮ. ಯ. ಸಮಿತಿಯ ಸಭೆಯಲ್ಲಿ ನಿರ್ಧಾರ